O Sgiò Prisidente di l’Assemblea di Corsica   Signore è Signori Cunsiglieri di a giuventù   Signore è Signori eletti   Signore è Signori,   Care giuvanotte, cari giuvanotti,      Cumu dì, cumu divvi l’emuzione è a goia ch’è no risentimu oghje ?   Tuttu ciò ch’è no avemu fattu, ogni cosa ch’è no femu, l’avemu fatta è a femu per voi.   O quella giuventù di st’isula, sete i nostri ochji.      È di vedevi quì cuncolti hè attempu u segnu chì sta Corsica ch’è no avemu sunniatu stà per turnà rialità è chì a prumessa chì a Corsica, quella ch’è vo vulete voi, avarà i mezi di custruissi.      Site à l’albighjà di e vostre vite di maiò.      Simu, per ciò chì tocca à noi stessi, à un momentu di u nostru andamentu persunale è puliticu chì ogni gestu nostru stà per esse ghjudicatu sigondu ciò ch’ellu arricarà à e leve di dumane è di dopu dumane.      Hè dunque una stonda sulenne, per voi cum’è per noi.      Per voi altri, perchè site i primi membri di sta stituzione, l’Assemblea di a giuventù, chì vi tocca, di vucazione, à porghje a voce di a giuventù di st’isula, à fà valè l’avvisi soi, à dà forma à e so voglie è à i so sonnii.      Per noi altri, perchè chì u vostru sguardu è u vostru ghudicamentu ci impostanu propiu in l’essezza di ciò chì dà mossa à a nostra lotta : una Corsica filice, appaciata, sulidaria, ginarosa, aparta. Un populu fieru di a so storia, di a so lingua, di a so cultura, pruvistu d’un prugettu cullittivu di fonte è di valori universali, quelli valori da rende u mondu più megliu è più umanu.      Vi tuccarà à fà campà st’Assemblea di a giuventù.      Da un puntu di vista tennicu, hè un organu cunsultativu chì, à a giuventù di a nostra isula, l’hà da parmette d’arricà a so cuntribbuzione à u funziunamentu di e nostre stituzione.      Ùn mancaranu l’aghje d’azzione è d’interventu : l’ambizione di u Cunsigliu esecutivu di Corsica, di a magiurità territuriale è di l’inseme di a Cullittività tarrituriale di Corsica hè difatti d’arradicà a pulitica di a giuventù in core à u prugettu di sucetà ch’è no purtemu : furmazione, pulitica educativa, sportu, cultura, viaghji è apartura à u mondu, tennulugie nove, impiegu, sulidarità, alloghju, lutta contru à l’avviziate, salute, ambiente, Auropa, Meditarraniu…      Sarà un attrazzu fundamintale a vostra Assemblea ch’isse tematiche ch’è vo e tornite vostre, ch’è vo e possite arricchì cù a visione vostra, e vostre attese, i vostri prugetti.      È u Cunsigliu esecutivu di Corsica si primurarà di cunsultà a vostra Assemblea à prupositu di u pattu pè a giuventù ch’è no intindimu di vutà prima di a fine di a mandatura.       Ma al di là di stu travagliu parlamintariu ch’ellu vi tuccarà à pruduce, a vostra prisenza face sensu di pettu à a sucetà di a spartera è

Assemblea di a giuventù - séance d’installation du 4 avril 2017 - discours de Gilles Simeoni, Président du Conseil Exécutif de Corse

Get Started

Download the App