Carissimu Presidente di l’Assemblea di Corsica,   Carissimi Cunsiglieri Esecutivi, elette è eletti,   Carissimi funziunarii,   Cari amichi,       Ci vole à tene a mente ciò chì Pasquale Paoli ha fattu è ciò ch’elli anu fattu i Naziunali per dà à st’isula è stu paese u sensu di u bè publicu, u sensu di l’interessu naziunale ch’è no circemu oghje, incu determinazione, à mentene è à rifurzà.   Ind’è stu 18simu seculu chì fù quellu di i lumi, Pasquale Paoli hè statu lume pè a Corsica, hè statu lume pè l’Auropa, hè statu lume pè u mondu sanu. E quessu, ci vole à tene lu a mente, è un ci vole micca scurdassi. Certi ci dicenu chì oghje, forse, ne femu troppu. Chì durante anni e anni, ùn ci hè statu nunda o guasi per cummemurà st’omu. Ma per noi, era nurmale d’urganizà sta ceremonia, incu voi, pè voi è ancu pè noi.   U passatu dunque, è u presente dinù, perchè simu tutti veramente cumossi, quandu no fidighjimu, quandu no amparemu, di vede quant’ellu hè statu un omu di mudernità e di riflessione muderne, u Babbu di a patria, indè tutte e tematiche chì oghje toccanu direttamente è nostre sucietà. Quand’ellu si parla di tulerenza religiosa, hè una forma di ribombu cù certe pusizione d’oghje ; quelle chì no cumbattimu, è quelle chì no circemu di difende. Quand’ellu si parla di « respublicà» è di u bè cumunu, d’una certa manera di cuncepì st’amministrazione, st’amministrazione  ch’è vo fatte campà tutti i ghjorni, è vi ne ringraziemu, hè vera chì pudemu amparà assai di ciò ch’ellu hà circatu à fà per creà, ind’è u spiritu di i corsi, una relazione a à so amministrazione è u so Statu chì ùn fussi più quella di a famiglia, di u paese, o di l’urganisazione sottu statale. E que, hè dinù una lascita chì hè una lascità impurtante assai. Allora, eccu, noi ùn simu micca quì davantu à una statua pè dì chì Pasquale Paoli deve esse u guida di i nostri passi oghje. Ghjè una referenza tamanta, ghjè una parte di a nostra storia, è pudemu esse fieri. Ghjè dinu una cavusgiula che no circemu à tene a mente à ogni passi, à ogni scelte quandu e cose sò difficiule. E sapemu chì certe volte emu à fà scelte difficiule, di dì chì ci hè una strada, ci hè una strada chì hè quella di l’onestità, quella di u rispettu, di u bè cumunu, quella di a fiertà dinù. A ripettu una volta di piu, a fiertà di travaglià ind’è iss’amministrazione di a Cullettività territuriale di Corsica, chì hà in carica l’interessi di a Corsica, è di u populu Corsu.      Et je voudrais terminer en vous disant que cette cérémonie, comme toute les autres que nous partageons ensemble, c’est également l’occasion de dire que nous sommes heureux et fiers d’être à vos côtés. Et à notre sens que vous devez aussi, quelles que soient les difficultés, quelles que soient parfois les inco

Cummemurazione di u 210u anniversariu di a morte di P. Paoli 07/02/2017 - Discorsu di u Presidente di u Cunsigliu Esecutivu di Corsica, Gilles Simeoni

Get Started

Download the App